काठमाडौँ, ९ बैशाख । राष्ट्रपति रामचन्द्र पौडैलले संघीय संसद्को दुवै अधिवेशन आह्वान गरेका छन् ।
राष्ट्रपति कार्यालयले वैशाख १७ गते बिहीबार दिउँसो २ बजे संघीय दुवै सदनको अधिवेशन आह्वान गरेको छ । संविधानको धारा ९३ मा मा सरकारको सिफारिसमा राष्ट्रपतिले संसद्को अधिवेशन आह्वान र अन्त्य गर्नसक्ने व्यवस्था छ ।
चैत १८ गते राष्ट्रपति पौडेलले सरकारको सिफारिसमा संसद्को अधिवेशन अन्त्य गरेका थिए । यस अधिवेशन अब बजेटमा केन्द्रित हुनेछ ।
जेठ १५ भित्र संसद्बाट बजेट पारित हुनुपर्ने संवैधानिक प्रावधान छ । बजेट पारित अघि संसद्मा बजेटका प्राथमिकता सरकारका नीति तथा कार्यक्रम लगायतका विषयमा प्रि बजेट छलफल हुनेछ ।
