एजेन्सी, ९ बैशाख । रुसको तेल युरोप पुर्याउने क्षतिग्रस्त ड्रुज्बा पाइपलाइनको मर्मत भइसकेको युक्रेनले बताएको छ ।
युक्रेनका राष्ट्रपति भोलोदिमिर जेलेन्स्कीले मङ्गलबार रुसको तेल युरोप पुर्याउने क्षतिग्रस्त ड्रुज्बा पाइपलाइनको मर्मत भइसकेको र सञ्चालन पुनः सुरु गर्न तयार रहेको बताएका हुन् ।
हङ्गेरीले अझै पनि पाइपलाइन मार्फत रुसी तेल आयात गर्दछ र यो मुलुक युक्रेन र युरोपेली सङ्घबिचको गतिरोधको केन्द्रमा रहेको छ।
हङ्गेरीका निवर्तमान राष्ट्रवादी नेता भिक्टर ओर्बानले युक्रेनलाई डेलिभरी पुनः सुरु गर्न दबाब दिन युक्रेनका लागि आवश्यक नौ करोड युरो बराबरको ऋण रोक्ने निर्णय गरेका थिए । जेलेन्स्कीले सामाजिक सञ्जालमा प्रकाशित एक विज्ञप्तिमा लेखेका छन्, “युक्रेनले रुसी आक्रमणबाट क्षतिग्रस्त ड्रुज्बा तेल पाइपलाइनको खण्डको मर्मत कार्य पूरा गरेको छ । अब, तत्काल नै पाइपलाइन सञ्चालनमा आउन सक्छ ।”
स्लोभाकिया र हङ्गेरीमा रुसी तेल पुर्याउन आफ्नो क्षेत्र पार गर्ने ड्रुज्बा पाइपलाइन जनवरीको अन्त्यमा रुसी आक्रमणबाट क्षतिग्रस्त भएको युक्रेनले बताएको थियो । जेलेन्स्कीले मङ्गलबार चेतावनी दिँदै भनेका छन्, “मस्कोको सेनाले पूर्वाधारमा फेरि आक्रमण गर्न सक्छ।”
क्रेमलिनप्रति सहानुभूति राख्ने युरोपेली सङ्घकासदस्य राष्ट्रमध्ये हङ्गेरी र स्लोभाकियाले किएभलाई मर्मतमा नसघाएको आरोप लगाएका थिए।
किएभलाई आफ्नो बजेटमा व्यवस्था गरिएका प्रावधानलाई कार्यान्वयनमा लान ईयू कोषको आवश्यकता छ, तर यस बीचमा अन्य समर्थकहरूबाट पर्याप्त पैसा सुरक्षित गर्न सफल भएको किएभ बुडापेस्टले ऋण रोकेका कारण समस्यामा परेको छ।
