काठमाडौँ, ७ बैशाख । आज नेपाल स्टक एक्सचेन्ज (नेप्से) परिसूचकमा गिरावट आएको छ ।
आज नेप्से परिसूचक १३.१७ अङ्कले घटेर २८२५.२३ विन्दुमा पुगेर बन्द भएको छ । आजको बजारमा कुल ३४९ वटा स्क्रिप्टहरूको कारोबार भएको थियो ।
जसमध्ये १९७ कम्पनीको सेयर मूल्यमा गिरावट आएको छ भने ६५ कम्पनीको मूल्य बढेको छ । ६ कम्पनीको मूल्य भने स्थिर रहेको छ । दिनभरिमा १ लाख १६ हजार ३१० पटकको कारोबारबाट १ करोड १६ लाख ५३ हजार ३७० कित्ता सेयर खरिदबिक्री भएका छन् ।
बजारमा आज कुल ५ अर्ब ४३ करोड ४२ लाख ४० हजार २७६ रुपैयाँ बराबरको कारोबार भएको छ। कारोबार रकमका आधारमा हिमालयन फाइनान्स ३६ करोड १५ लाख रुपैयाँसहित अग्रस्थानमा रहेको छ। त्यसैगरी सोल्टी होटल २९ करोड ८१ लाख र नेशनल हाइड्रोपावर २८ करोड ८८ लाख रुपैयाँको कारोबारका साथ क्रमशः दोस्रो र तेस्रो स्थानमा रहेका छन् ।
