धादिङ, २६ चैत । धादिङमा ५० वर्षीया महिलालाई जबरजस्ती करणी गरेको अभियोगमा एक युवक पक्राउ परेका छन् ।
जिल्ला प्रहरी कार्यालय धादिङका अनुसार गल्छी गाउँपालिका-३ छतिनटार बस्ने २८ वर्षीय रवि पोखरेललाई बुधबार दिउँसो नियन्त्रणमा लिएको हो ।
पोखरेलले ती महिलालाई जबरजस्ती करणी गरेको भन्ने सूचना र उजुरी प्राप्त भएपछि इलाका प्रहरी कार्यालय गजुरीबाट प्रहरी टोली खटिएको थियो। पीडितको उजुरीका आधारमा प्रहरीले तत्कालै कारबाही अघि बढाउँदै आरोपीलाई छतिनटारबाटै पक्राउ गरेको हो ।
पक्राउ परेका पोखरेलमाथि जबरजस्ती करणी मुद्दामा थप कानुनी प्रक्रिया अगाडि बढाइएको छ। घटनाका बारेमा थप प्रमाण संकलन र आवश्यक अनुसन्धान भइरहेको प्रहरीले जनाएको छ ।
