काठमाडौँ, २५ चैत । सामाजिक उत्तरदायित्वलाई आत्मसात् गर्दै सन्देश कार्कीको नेतृत्वमा स्थानीयस्तरमा सहयोग संकलन गरी शान्तिनगर र सानोठिमीस्थित दुई वृद्धाश्रममा विभिन्न परकारका सामग्री वितरण गरिएको छ ।
शान्तिनगरस्थित निशाहे सेवा सदनमा आश्रित वृद्धवृद्धाहरूका लागि आवश्यक ५९ प्रकारका औषधि सहयोग प्रदान गरिएको छ। स्वास्थ्य अवस्थालाई मध्यनजर गर्दै औषधि हस्तान्तरण गरिएको जनाइएको छ।
त्यस्तै, सानोठिमीस्थित ॐ वृद्धआश्रममा बसोबास गरिरहेका १७ जना वृद्धवृद्धाहरूका लागि खाद्यान्न तथा लत्ताकपडा सहयोग प्रदान गरिएको छ। दैनिक जीवनयापनमा सहजता ल्याउने उद्देश्यले उक्त सहयोग वितरण गरिएको आयोजकले बताएका छन्।
स्थानीयवासी तथा सहयोगीहरूको सक्रिय सहभागितामा कार्यक्रम सम्पन्न भएको हो। सन्देश कार्कीले आगामी दिनमा पनि यस्ता सामाजिक तथा मानवीय कार्यलाई निरन्तरता दिने प्रतिबद्धता व्यक्त गरेका छन्।
