काठमाडौँ, १७ चैत । गृहमन्त्री सुधन गुरुङले सशस्त्र प्रहरीका आईजीपी राजु अर्यालसहितको टिमसँग छलफल गरेका छन् ।
बैठकमा गृहमन्त्रीले सीमा गस्तीलाई कडाइ गर्न निर्देशन दिएका छन् । त्यस्तै विपद् व्यवस्थापनका लागि आवश्यक पूर्वतयारी सम्बन्धी विषयमा विस्तृत छलफल गरिएको छ ।
सम्भावित विपद् जोखिमलाई न्यूनीकरण गर्न आवश्यक रणनीति, स्रोत व्यवस्थापन तथा समन्वयका विषयमा छलफल भएको मन्त्री गुरुङको सचिवालयले जानकारी दिएको छ । साथै, सीमा क्षेत्रमा हुने अवैध गतिविधि नियन्त्रण गर्न सीमा गस्ती कडा बनाउने निर्णय गरिएको छ ।
