एजेन्सी, १२ चैत । इरानसँगको बढ्दो तनावका कारण अमेरिकी राष्ट्रपति डोनाल्ड ट्रम्पको चीन भ्रमणको नयाँ मिति सार्वजनिक भएको छ ।
ह्वाइट हाउसले जारी गरेको पछिल्लो विज्ञप्ति अनुसार, राष्ट्रपति ट्रम्प आगामी मे १४ र १५ तारिखमा बेइजिङ जाने भएका छन् ।
यसअघि ट्रम्प मार्च ३१ देखि अप्रिल २ सम्म चीन भ्रमणमा जाने तालिका थियो । तर, इरानमाथि अमेरिका र इजरायलले सुरु गरेको युद्धका कारण उक्त भ्रमण निर्धारित समयभन्दा पछि सारिएको हो ।
भ्रमणका क्रममा राष्ट्रपति ट्रम्पले चिनियाँ राष्ट्रपति सी जिनपिङसँग द्विपक्षीय भेटवार्ता गर्नेछन् । दुई देशबिच लामो समयदेखि जारी भन्सार युद्ध सन् २०२५ को अन्त्यतिर केही मत्थर भएपछि व्यापारिक सम्बन्धलाई पुनः गति दिने विषयमा छलफल हुने प्रारम्भिक योजना रहेको बताइएको छ ।
