एजेन्सी, १९ फागुन । क्यानडाले संयुक्त अरब इमिरेट्स (युएई)मा रहेका आफ्ना नागरिकलाई सकेसम्म चाँडो देश छाड्न आग्रह गरेको छ ।
खाडी क्षेत्रका मुलुकहरूमा इरानका आक्रमण जारी रहँदा यस्तो चेतावनी जारी गरिएको हो । क्यानडाले सामाजिक सञ्जाल एक्समार्फत भनेको छ, ‘उडानको विकल्प सुरक्षित गर्न सक्नेबित्तिकै तपाईँले संयुक्त अरब इमिरेट्स छाड्नुहोस् । हवाई क्षेत्र समय–समयमा अस्थायी तथा आंशिक रूपमा बन्द हुन सक्ने अवस्था छ ।’
यसैबिच, अस्ट्रेलियाले पनि मंगलबार यूएईका लागि आफ्नो यात्रा सल्लाह बढाउँदै ‘यात्रा नगर्नुहोस्’ भन्ने स्तरमा पुर्याएको छ । पश्चिमा मुलुकहरूको यी घोषणाहरू अमेरिकी विदेश मन्त्रालयको चेतावनीपछि आएका हुन् । मन्त्रालयले अमेरिकन नागरिकलाई मध्यपूर्वका विभिन्न देशहरूबाट ‘अहिल्यै प्रस्थान गर्न’ आह्वान गरेको थियो ।
