काठमाडौँ, १५ फागुन । चलचित्र ‘मितज्यू’को फर्स्ट लुक्स सार्वजनिक भएको छ ।
जेठ १५ गतेबाट प्रदर्शनमा आउने निर्माण टिमले शुक्रबार चलचित्रको पहिलो लुक्स सार्वजनिक गरेको हो ।
सार्वजनिक पोस्टरमा चलचित्रका मुख्य तीन कलाकार दयाहाङ राई, सौगात मल्ल र तेरिया फौजा मगरलाई देख्न सकिन्छ । जिपको बोनटमाथि परम्परागत पहिरनमा तेरिया गम्भीर मुद्रामा बसेकी छन् । पोस्टरले पारिवारिक सम्बन्ध, अहंकार र सामाजिक टकरावको कथा चलचित्रमा रहेको संकेत गरेको छ ।
चलचित्रमा दयाहाङ, सौगात र तेरियासँगै पुस्कर गुरुङ, शिशिर वाङ्देल, राज थापा, सुवर्ण थापा, अनु थापा, स्मिता लामिछानेलगायतको अभिनय रहनेछ ।
