काठमाडौँ, १४ फागुन । नेपाली फिल्म ‘जेरी अन टप’ भारतभर प्रदर्शन हुने भएको छ ।
अभिनेता अनमोल केसीको करियरकै सर्वाधिक बिजनेस गर्न सफल उक्त फिल्म नेपाली समुदाय तथा नेपाली भाषी दर्शकलाई लक्षित गर्दै फेब्रुअरी २७ ( शुक्रबार)देखि भारतका विभिन्न सहरहरूमा प्रदर्शन हुन लागेको हो ।
फिल्म दार्जिलिङ, सिक्किम, देहरादुन, दिल्ली, कालिङपोङ, सिलिगुरी र कोलकातासहित नेपाली भाषी दर्शकको उल्लेख्य बसोबास रहेका अन्य विभिन्न ठाउँमा वक्सअफिस रिलिज हुन लागेको हो ।
रिलिजको पूर्वसन्ध्यामा आज (फेब्रुअरी २६) मा फिल्म गान्तोकमा प्रिमियर शो आयोजना गरिएको छ । नेपालमा १७ करोड माथिको कलेक्सन गरेको फिल्ममा अनमोलसँगै आँचल शर्मा, जसिता गुरुङ, केदार घिमिरे, भुवन केसी, उषा खड्गीको अभिनय छ ।
