टेलिकमको प्रिपेड मोबाइल नम्बर अनलाइनबाटै नामसारी गर्न सकिने

काठमाडौँ, २६ माघ । नेपाल टेलिकमले जीएसएम प्रिपेड सिमकार्ड प्रयोगकर्ताले आफ्नो विवरण अनलाइनबाटै अध्यावधिक गर्न सक्ने सेवा सुरु गरेको छ ।

गएको पुस २२ गते दूरसञ्चार कार्यालय सुन्धाराबाट यसको परीक्षण सुरु गरिएको थियो । कम्पनीको २२औँ वार्षिकोत्सवका अवसरमा यही माघ २२ गतेदेखि देशभरका सबै कार्यालयबाट यो सुविधा उपलब्ध गराइएको कम्पनीले जनाएको छ ।

आफ्नो नाम वा अरू विवरण सच्याउनुपर्ने अवस्थाका ग्राहकले कस्टमर लगइन पोर्टलमार्फत सेवा लिन सक्नेछन् । यसनिम्ति सम्बन्धित मोबाइल नम्बरमा प्राप्त ओटीपी राखेर त्यसैअनुसार व्यक्तिगत र अरू विवरणसहित आफूले धेरै कल गर्ने पाँच मोबाइल नम्बर समेत समावेश गर्नुपर्ने कम्पनीले जनाएको छ ।

सबै विवरण भरिसकेपश्चात् प्रमाणीकरणका निम्ति नेपाल टेलिकमको कुनै कार्यालय वा ग्राहक सेवा केन्द्रमा सम्पर्क गर्नुपर्छ । त्यस आधारमा टेलिकमको सिस्टमले ग्राहकको विवरण प्रमाणित गरी अद्यावधिक गर्नेछ ।

टेलिकमका अनुसार, अझै धेरै ग्राहकको व्यक्तिगत विवरण अद्यावधिक छैन । यस्तो अवस्थामा यसबाट धेरै ग्राहकलाई विवरण अद्यावधिक गर्न सहज हुनेछ ।

प्रतिक्रिया दिनुहोस्

संबन्धित समाचार

काठमाडौँ, २ मंसिर । कलाकार सर्विन (छत्र) बोगटी पक्राउ परेका छन् । भक्तपुरको सूर्यविनायकबाट उनलाई मंगलबार पक्राउ गरिएको हो ।  वैयक्तिक

काठमाडौँ, १ मंसिर । फिल्म ‘रामायण’ले बक्स अफिसमा नयाँ कीर्तिमान रचेको छ । भारतीय बक्स अफिसमा यसले ‘आरआरआर’को रेकर्ड तोडेको

काठमाडौँ, ३० कार्तिक । प्रदर्शनकाे समयमा विवादमा फसेको फिल्म ‘पाँच पाण्डव’ १२ हजार बढीले हेरेको पाइएको छ । चलचित्र विकास बोर्डले

काठमाडौँ, २९ कार्तिक । घरेलु हतियार खुकुरी देखाउँदै अश्लील तथा डरत्रास फैलाउने अभिव्यक्तिसहित टिकटक भिडियो बनाएर सामाजिक सञ्जालमा पोस्ट गरेको