काठमाडौँ, ११ माघ । चाइना युनान यूथ वुमन्स टिमविरुद्ध मैत्रीपूर्ण फुटबल खेल्ने नेपाली प्रारम्भिक राष्ट्रिय यू–२० टोली घोषणा गरिएको छ ।
आज नवनियुक्त मुख्य प्रशिक्षक यामप्रसाद गुरुङले मैत्रीपूर्ण फुटबलका निम्ति ३० सदस्यीय प्रारम्भिक राष्ट्रिय टोली घोषणा गरेका हुन् ।
अखिल नेपाल फुटबल टिम एन्फाले आजै प्रारम्भिक टोलीको नामवाली सार्वजनिक गरेको छ । संघ र युनान विश्वकविद्यालयको द स्कूल अफ फिजिकल एजुकेसन र नेपाल ओभरसिज चाइनिज एसोसियसनको आयोजनामा मैत्रीपूर्ण फुटबल काठमाडौंको त्रिपुरेश्वरस्थित दशरथ रंगशालामा आगामी माघ १७ गते हुँदै छ ।
टोलीमा आयुषा रेउले, अमिता भुल, अनिशा राई, अंशु विके, अनु माझी, अस्मिता गुरुङ, भावना परियार, बिर्सना चौधरी, डिकी स्याङ्बो, गंगा रोकाया, झुमा विश्वकर्मा, कविता गुरुङ, करुणा बुढाथोकी, कुसुम खतिवडा, लिला जोशी, मनीषा सेन, मीना देउवा, पुनम चेम्जोङ, पूर्णिमा राई, समीक्षा मगर, संगीता अधिकारी, सानी माया लो, सरिताकुमारी नाथ, सेमिहाङ्मा लिम्बू पन्धाक, सिमरन राई, सीता रोकाया, सृजना स्याङ्तान, सुजाता तामाङ सुक्रिया मिया, सुनीता विके रहेकी छन् ।
