काठमाडौँ, १४ पौष । फिल्म ‘झरीपछिको इन्द्रेणी’ प्रदर्शनको नवौँ दिन भएको छ ।
यो अवधिमा फिल्मले ६२ लाख ६९ हजार ४७५ रुपैयाँ ग्रस कलेक्सन गर्न सफल भएको छ । यो चलचित्र विकास बोर्डले सार्वजनिक गरेको बक्सअफिस रिपोर्ट हो । फिल्मको टिकट भने १९ हजार ७९३ वटा बिक्री भएका देखिएको छ ।
अर्जुन घिमिरे ‘पाँडे’ निर्देशित फिल्ममा सन्तानको अस्ट्रेलिया सपना, पारिवारिक प्रेम, बिछोड र सामाजिक संघर्षको कथा छ । फिल्ममार्फत अभिनेता गणेश उप्रेतीले ९ वर्षपछि नेपाली रजतपटमा कमब्याक गरेका हुन् ।
फिल्ममा गणेशका अलावा रमेश उप्रेती, दीपाश्री निरौला, प्रकाश घिमिरे, सरिता गिरी, निर्मल शर्मा, देशभक्त खनाल, अर्जुन घिमिरे, प्रियना आचार्य लगायतको अभिनय छ ।
