काठमाडौँ, ९ पौष । भारतका युवा ब्याटर वैभव सूर्यवंशी लिस्ट ‘ए’ क्रिकेटमा शतक प्रहार गर्ने सबैभन्दा कान्छो खेलाडी बनेका छन् ।
आज सूर्यवंशीले विजय हाजारे ट्रफीको उद्घाटन खेलमा अरुणाञ्चल प्रदेशविरुद्ध ३६ बलमा १०० रन पूरा गरेका थिए । यही योगफलका कारण सूर्यवंशी पुरुषतर्फ लिस्ट ‘ए’ क्रिकेटमा शतक प्रहार गर्ने सबैभन्दा कान्छो खेलाडी बनेका हुन् ।
सूर्यवंशीले शतकका निम्ति १६ चौका र १५ छक्का प्रहार गरेका थिए । यससँगै उनले दक्षिण अफ्रिकाका एबी डेभिलर्सको कीर्तिमान तोडेका छन् । उनले ६४ बलमा १५० रन प्रहार गर्दै सबैभन्दा कम बलमा १५० रन पूरा गर्ने खेलाडी बनेका थिए ।
