काठमाडौँ, ८ पौष । गायिका समीक्षा अधिकारीले पौष अन्त्यसम्मको आफ्नो ब्यस्त सांगीतिक टूरको तालिका सार्वजनिक गरेकी छन् ।
यस महिनामा उनले नेपालका विभिन्न जिल्लासहित जापानसम्म पुगेर सांगीतिक प्रस्तुति दिँदैछिन् । सोमबार समीक्षाले लेखनाथ महोत्सवमा प्रस्तुति दिएकी छन् ।
‘जता जता मेसो मिल्छ, त्यतै भेटौंला है’ भन्दै उनले सार्वजनिक गरेको तालिकाअनुसार समीक्षा पौष ८ गते मंगलबार बुटवल पुग्नेछिन् । त्यहाँ आयोजित बुटवल राष्ट्रिय प्रदर्शनी कृषि, प्रविधि तथा पर्यटन महोत्सवमा उनी गुञ्जिने तय छ ।
९ पौषमा नेपालगञ्ज पुगेर प्रस्तुति दिने कार्यक्रम छ । १० पौषमा कैलालीको अत्तरियामा उनले दर्शक नचाउनेछिन् । ११ पौषमा विराटनगरमा आयोजित विराट ट्रेड एक्स्पोमा उनको प्रस्तुति हुनेछ । १२ पौषमा उनी बागलुङमा पुगेर प्रस्तुति दिनेछिन् ।
१४ पौषमा उनी जापान उड्नेछिन् । गलकोट समाज जापानले आयोजना गर्न लागेको कार्यक्रमहरूमा उनी गुञ्जिनेछिन् । जसअन्तर्गत उनी पौष १६ गते ओसाका, १७ गते नागोया र १८ गते टोकियोमा आफ्ना हिट गीतका साथ गुञ्जिनेछिन् । जापान भ्रमण सकेर उनी २१ गते नेपाल फर्किने छिन् ।
