एजेन्सी, १६ मंसिर । हङकङको वाङ फुक कोर्टमा आगलागीमा लापरवाही गरेको आरोपमा प्रहरीले १३ जनालाई पक्राउ गरेको छ। सोमबार स्थानीय अधिकारीहरूले पत्रकार भेटघाटमार्फत सो जानकारी दिएका हुन् ।
प्रहरीले जनाएअनुसार घटनाको विस्तृत अनुसन्धान अझै जारी रहेको र आवश्यक परे थप व्यक्तिहरूलाई समेत पक्राउ गर्न सकिने सम्भावना रहेको जनाइएको छ ।
आगो लागेका भवनबाट सङ्कलित २० वटा निर्माण जालीका नमूनामध्ये ७ वटा जाँचका क्रममा आगो प्रतिरोधको न्यूनतम मापदण्ड समेत पुरा नगरेको पुष्टि भएको जनाइएको छ ।
यिनै कमजोर निर्माण जालीका कारण आगो अत्यन्त तीव्र गतिमा फैलिएको हुनसक्ने प्रारम्भिक निष्कर्ष आएको अधिकारीहरुले बताएका छन् ।
