एजेन्सी, १३ मंसिर । श्रीलंकामा देशभर परेको भारी वर्षा र बाढीका कारण १२३ जनाको मृत्यु भएको छ । १३० जना बेपत्ता रहेका छन् ।
विपद् व्यवस्थापन केन्द्रका अनुसार ४३ हजार ९९५ जनालाई राहत केन्द्रमा राखिएको छ ।
सोमबारदेखि भारी वर्षा सुरु भएको थियो । बुधबार मुख्य क्षेत्रमा अझ ठूलो वर्षा भएको थियो ।
शुक्रबार साँझ केलानी नदीको तटवन्ध भत्किँदा धेरै मानिसहरू अस्थायी शिविरमा सारिएका छन् ।
देशका अधिकांश भागमा वर्षा कम भए पनि उत्तरतर्फका केही क्षेत्रमा अझै पानी परिरहेको छ ।
भारतले पीडितहरूको लागि आवश्यक राहत सामग्री पठाइसकेको छ ।
सरकारले उद्धार र राहत कार्यलाई अझ सुदृढ बनाउन सेना परिचालन गरेको छ । हेलिकोप्टर र डुंगा प्रयोग गरी फसेका बासिन्दाहरू उद्धार गरिएको छ । बीबीसी
