एजेन्सी, १९ कार्तिक । इन्डोनेसियामा पुनः ६.२ म्याग्निच्युडको भूकम्प गएको छ ।
बुधबार बिहान देशको सुलावेसी द्वीपमा ६.२ म्याग्निच्युडको भूकम्प गएको इन्डोनेसियाको मौसम विज्ञान, जलवायु तथा भूभौतिकी एजेन्सीले पुष्टि गरेको छ ।
यो भूकम्पपछि सुनामीको कुनै खतरा नरहेको जानकारी दिइएको छ । भूकम्पबाट अहिलेसम्म कुनै किसिमको क्षतिको सूचना प्राप्त भएको छैन ।
इन्डोनेसिया एसिया र अस्ट्रेलिया महाद्वीपको बीचमा अवस्थित छ । यो प्रशान्त महासागरको किनारामा रहेको देश हो । यो क्षेत्र ‘रिङ अफ फायर’ अर्थात् आगोको घेरामा पर्ने क्षेत्रका रूपमा चिनिन्छ । यस क्षेत्रमा विश्वका करिब ९० प्रतिशत भूकम्पहरू र ७५ प्रतिशत ज्वालामुखी विस्फोटहरू हुन्छन् । इन्डोनेसिया यही भूभागमा पर्ने भएकाले यहाँ लगातार टेक्टोनिक प्लेटहरूमा हलचल भइरहन्छ । लाइभमिन्ट
