काठमाडौँ, १८ कार्तिक । आगामी शुक्रबारबाट प्रदर्शनको तयारीमा रहेको फिल्म ‘मन बिनाको धन’ सेन्सर पास भएको छ ।
केन्द्रीय चलचित्र जाँच पास समितिले फिल्म हेर्दै सोमबार ‘यूनिभर्सल (सबैले हेर्न मिल्ने)’ सर्टिफिकेट दिएको छ । सेन्सरले फिल्मका विषयवस्तु राम्रो भएको भन्दै फिल्मलाई सफलताको शुभकामना समेत दिएको निर्देशक टंक बुढाथोकीले बताए ।
फिल्ममा अशोक दर्जी, सरोज खनाल, सन्तोष पन्त, रमा थपलिया, नीता ढुंगाना, भोला सापकोटा, बुद्धि तामाङ, रमेश विश्वकर्मा, रवीन्द्र झा, पार्वती अधिकारी, उत्सव सापकोटा, एआर बुढाथोकी, शंकर श्रेष्ठ, साम्राज्ञी थापा, बिना राउत, ए.आर बुढाथोकी, बाबु पराजुली, रक्षा श्रेष्ठ, प्रियंका झा, विनय अधिकारी, आर्यन पोखरेल, विजय डंगोल लगायतका कलाकारको अभिनय छ ।
बाटोमा गीत गाउँदै माग्दै हिनेका अशोक दर्जीलाई टंक बुढाथोकीले आफुसँग राखेर ‘मन बिनाको धन ठुलो कि धन बिनाको मन’ मार्फत उनको जीवन नै परिवर्तन गरिदिएका छन् ।
