काठमाडौँ, ८ कार्तिक । प्रहरी महानिरीक्षक (आईजीपी) चन्द्रकुवेर खापुङले जेनजी आन्दोलनको बहानामा अपराधिक गतिविधि गर्नेहरू दण्डित हुने बताएका छन्।
काठमाडौंमा आयोजित एक कार्यक्रममा बोल्दै उनले आन्दोलनको परिस्थितिमा समाजलाई धमिल्याउन खोज्ने अपराधिक प्रवृत्तिहरूको चलखेल भएको देखिएको र त्यस्ता कार्य गर्नेलाई कारबाही हुने स्पष्ट पारेका हुन् ।
आईजीपी खापुङले भने, ‘जेनजी आन्दोलनको बहानामा, त्यही परिस्थितिमा समाजलाई धमिल्याउन खोज्ने अपराधिक प्रवृत्तिहरूको पनि चलखेल भएको देखिएको छ । त्यो वास्तवमा गलत हो र त्यो अपराधिक कार्य नै हो। त्यस्ता अपराधिक कार्यहरू दण्डित हुनुपर्छ । उनीहरू क्रमशः दण्डित हुन्छन् भन्ने कुरा यहाँहरू सबै समक्ष आश्वस्त पनि बनाउन चाहन्छु।’
