काठमाडौँ, ३ कार्तिक । चलचित्र ‘जेरी अन टप’ले तीन दिनमा सवा दुई करोड ग्रसकलेक्सन गरेको छ ।
तीन दिनमा दुई करोड २२ लाख ८१ हजार रुपैयाँ कलेक्सन गरेको हो । पहिलो दिन शुक्रबार ७२ लाख ५९ हजार, शनिबार ८६ लाख ३८ हजार र आइतबार ६३ लाख ८४ हजार रुपैयाँ ग्रसकलेक्सन गरेको चलचित्र ‘जेरी अन टप’का नायकसमेत रहेका अनमोल केसीले जानकारी दिएका छन् । तीन दिनमा ‘जेरी अन टप’ ६० हजार दर्शकले हेरेका छन् ।
सुयोग गुरुङको निर्देशन रहेको ‘जेरी अन टप’मा अनमोलसँगै आँचल शर्मा, जसीता गुरुङ, सुरक्षा पन्त, केदार घिमिरे (माग्नेबुढा), भुवन केसी, उषा खड्गीको अभिनय छ ।
