काठमाडौँ, २५ भदौ । अभिनेता तथा होस्ट सलमान खानलाई लगातार धम्की आउन थालेपछि ‘बिग बोस’का निर्माताले सेटमा सुरक्षा कडा तुल्याएका छन् ।
एन्डेमोल शाइन इन्डियाका सीईओ तथा बिग बोसका निर्माता ऋषि नेगीका अनुसार सेटमा लाइभ अडिएन्सको उपस्थिती रोकिएको छ । अहिले बिग बोसमा ६०० जना कार्यरत छन् ।
उनले भने, ‘ यी मानिस ३ सिफ्टमा २४ घण्टा काम गर्छन् । महिलाहरू पनि यसमा राम्रो हिस्सा हुन् । कन्टेन्ट सुरक्षा र अन्य व्यवस्थापनमा कुनै सम्झौता गरिएको छ । दुवै हाम्रो पहिलो प्राथमिकता हुन् ।
साढे दुई वर्षदेखि सलमानको सुरक्षा कसिलो तुल्याएको उनले बताए । उनका अनुसार, अब कार्यक्रममा लाइभ अडिएन्सलाई उपस्थित हुन अनुमति दिइने छैन ।
