काठमाडौँ, १८ भदौ । संवैधानिक इजलासले न्याय परिषद् नियमावली संशोधनविरुद्धको रिटमा अन्तरिम आदेश दिन अस्वीकार गरेको छ ।
प्रधानन्यायाधीश प्रकाशमान सिंह राउत, न्यायाधीशहरू सपना प्रधान मल्ल, कुमार रेग्मी, हरिप्रसाद फुयाल र मनोजकुमार शर्माको इजलासले रिटलाई पूर्ण सुनुवाइका लागि पेस गर्न आदेश दिएको छ ।
अधिवक्ता यज्ञमणि न्यौपानेले न्याय परिषद् संशोधन नियमावली खारेज गर्न माग गर्दै सर्वोच्चमा रिट दायर गरेका थिए ।
संवैधानिक इजलासले विपक्षीहरुको सबै लिखित जवाफ पेस भइसकेकाले पूर्ण सुनुवाइका लागि पेस गर्न भनेको हो । न्याय परिषद् नियमावली संशोधनका लागि अन्तरिम आदेश दिने कि नदिने भन्ने विषयमा दुई पक्षबीच छलफल भएको थियो । संवैधानिक इजलासले अन्तरिम आदेश दिनुपर्ने ठहर गर्दै पूर्ण सुनुवाइका लागि पेस गर्न भनेको हो ।
