एजेन्सी, १३ भदौ । थाइल्यान्डको संवैधानिक अदालतले प्रधानमन्त्री पेतोङतार्न शिनावात्रालाई पदबाट हटाएको छ ।
अदालतले प्रधानमन्त्री शिनावात्रालाई पदबाट हटाउँदै मन्त्रिपरिषद् विघटन गरेको बीबीसीले जनाएको छ । शिनावात्रा सन् २००८ पछि संवैधानिक अदालतले पदबाट हटाएको थाइल्यान्डकी पाँचौं प्रधानमन्त्री बनेकी छन् ।
कम्बोडियाका पूर्वप्रधानमन्त्री हुन सेनसँगको फोनवार्ता चुहावट भएपछि उत्पन्न विवादका कारण उहाँ गएको जुलाईमा निलम्बनमा परेकी थिइन् । उनले थाई सेनाको उत्तरपूर्वी कमान्डरलाई आफ्नो प्रतिद्वन्द्वीका रूपमा उल्लेख गरेको र हुन सेनलाई ‘काका’ भनेर सम्बोधन गरेको कुराकानीले नागरिकमा आक्रोश निम्तिएको थियो ।
पेतोङतार्न शिनावात्रा थाइल्यान्डकी सबैभन्दा कान्छी प्रधानमन्त्री थिइन् । उनले ३७ वर्षको उमेरमा पदभार ग्रहण गरेकी थिइन् । यस्तै उनी देशको दोस्रो महिला प्रधानमन्त्री पनि बनेकी थिइन् ।
