काठमाडौँ, ८ भदौ । ‘हिमालय रोडिज’ सातौं सिजनको प्रसारण भदौ १६ गतेदेखि हुने भएको छ ।
दर्शकमाझ ब्यापक पर्खाइ रहेको यो एड्भेन्चर रियालिटी शोमा प्रतिस्पर्धीले साहसिक क्षमता प्रस्तुत गर्नेछन् ।
१८ सिजनसम्म प्रसारण हुने नयाँ सिजनमा ग्याङ लिडरको रुपमा डान्सर र पर्वतारोही कविता नेपालीको प्रवेश भएको छ ।
अनुपविक्रम शाही, प्रियंका कार्की र आशिष राना ‘ग्याङ लिडर’को रुपमा निरन्तर छन् । अघिल्लो सिजनकी निर्णायक दीया मास्केको ठाउँमा दर्शकले कवितालाई देख्न पाउनेछन् ।
होस्टको रुपमा रेमनदास श्रेष्ठ छन् । सिमोस सुनुवारले निर्देशन गर्ने यो कार्यक्रम हिमालय टिभीमा प्रसारण हुन्छ ।
