काठमाडौँ, ७ भदौ । इंग्लिस प्रिमियर लिग फुटबलमा आज पाँच वटा खेल हुँदैछन् । नेपाली समयअनुसार बेलुका सवा ५ बजे म्यानचेस्टर सिटी र टोटेनह्यामले खेल्दैछन् ।
यस्तै राति पौने ८ बजे बर्नमाउथ र वुल्भ्स, बर्नली र सन्डरल्याण्ड तथा ब्रेन्टफोर्ड र एस्टन भिल्लाबीच खेल हुनेछ । यसैगरी राति सवा १० बजे आर्सनल र लिड्स युनाइटेडले खेल्नेछन् ।
गएराति भएको खेलमा चेल्सीले वेस्ट ह्यामलाई ५–१ गोलले हराएको छ । गएराति भएको खेलमा चेल्सीले वेस्ट ह्यामलाई फराकिलो गोलअन्तरले हराएको हो ।
यो सिजन दुई खेलमा चेल्सीको पहिलो जीत हो । अहिले तालिकाको शीर्ष स्थानमा रहेको चेल्सीको चार अङ्क छ । यसअघि चेल्सीले आफ्नो पहिलो खेलमा क्रिस्टल प्यालेससँग बराबरी खेलेको थियो ।
