काठमाडौँ, २१ साउन । चर्चित फिल्म फ्रेन्चाइजी ‘कबड्डी’को पाँचौ श्रृंखलाको छायांकन दशैं लगत्तै सुरु हुने भएको छ ।
निर्माता तथा निर्देशक रामबाबु गुरुङका अनुसार दयाहाङ राई, मिरुना मगरसहितका शीर्ष कलाकारले निरन्तरता पाउनेछन् ।
केही कलाकार हेरफेर हुनसक्ने उनले बताए । अभिनेता विजय बरालले पनि दशैं टीकाको भोलिपल्टदेखि नै आफूहरू छायांकन थलोमा जाने तयारी भैरहेको बताए । यतिबेला निर्देशक समेत रहेका रामबाबुले फिल्मको स्क्रिप्ट लेखिरहेका छन् ।
यसबाहेक, बाँसरी फिल्म्सको अर्को बहुप्रतीक्षित फिल्म ‘जारी’को दोस्रो श्रृंखला संविधान दिवसको अवसरमा असोज ३ गतेदेखि प्रदर्शन हुने तयारीमा छ ।
