लण्डन, ९ साउन । बेलायत र भारतबिच स्वतन्त्र व्यापार सम्झौतामा हस्ताक्षर भएपछि राजा चार्ल्सले स्यान्डरिङहममा भारतीय प्रधानमन्त्री नरेन्द्र मोदीसँग वार्ता गरेका छन् ।
यो अर्बौँ पाउण्डको निर्यात वृद्धिको सम्झौताअन्तर्गत अब बेलायती कार र ह्विस्की भारत निर्यात गर्न सस्तो हुनेछ भने भारतीय कपडा र गरगहना बेलायत निर्यात गर्न सस्तो हुनेछ ।
यो सम्झौतामा पुग्न तीन वर्ष लागेको थियो र यसले अवैध आप्रवासन नियन्त्रणका लागि भारत-बेलायतको नयाँ योजना पनि समावेश गर्दछ ।
प्रधानमन्त्री कियर स्टारमरसँग चेक्वेर्समा भेटवार्ता गरी औपचारिक रूपमा सम्झौतामा हस्ताक्षर गरेसँगै मोदीलाई राजाले आफ्नो नोर्फोकस्थित निजी निवासमा स्वागत गरेका थिए ।
