मुम्बई, ५ साउन । नवकलाकार अहान पाण्डे र अनीत पड्डा अभिनीत बलिउड फिल्म ‘सैयारा’ ले रिलिजको दुई दिनमै ४८.२५ करोड भारुको प्रभावशाली कमाइ गरेको छ ।
फिल्मले पहिलो दिन २२ करोड र दोस्रो दिन २६.२५ करोड रुपैयाँ कमाएको छ । फिल्म १८ जुलाई २०२५ मा विश्वव्यापी रूपमा रिलिज भएको हो । पहिलो दिन केही मल्टीप्लेक्सहरूले स्क्रिन सङ्ख्या बढाएपछि कलेक्सनको विवरण परिमार्जन गरिएको थियो ।
शनिबार मात्र फिल्मले बुक माई शो प्लेटफर्ममा ५ लाखभन्दा बढी टिकट बेच्यो । रातसम्म यो सङ्ख्या ७ लाख पुगेको थियो, जुन वर्तमान समयमा निकै दुर्लभ उपलब्धि मानिन्छ ।
फिल्म ट्रेड विश्लेषक आमिर अन्सारीका अनुसार ‘सैयारा’ को सफलता धेरै हिसाबले ऐतिहासिक बन्ने देखिएको छ । उनले फिल्मले भारतमै २०० करोड भारु नेट कमाउने क्षमता राख्ने बताउँदै, विश्वव्यापी रूपमा २५० करोड पार गर्न सक्ने प्रक्षेपण गरेका छन् ।
