किभ, २१ असार । युक्रेनको राजधानी किभमा रुसले प्रहार गरेको ड्रोन र मिसाइलका कारण एक जनाको मृत्यु भएको छ भने २६ जना घाइते भएका छन् ।
युक्रेनका अनुसार रुसले शुक्रबार किभमा ५३९ ड्रोन र ११ क्षेप्यास्त्र प्रहार गरेको थियो। राष्ट्रपति भ्लादिमिर पुटिन र अमेरिकी राष्ट्रपति डोनाल्ड ट्रम्पबिचको वार्तापछि रुसले युक्रेनमा ड्रोन र मिसाइल प्रहार गरेको थियो।
पुटिनसँगको कुराकानीपछि ट्रम्पले पुटिन युक्रेनसँगको युद्ध अन्त्य गर्न नचाहेकोमा आफू निराश भएको बताए। यता, रुसले आफ्नो लक्ष्य प्राप्त नभएसम्म युक्रेनसँगको युद्ध जारी रहने बताएको छ।
युक्रेनी राष्ट्रपति भ्लोदिमिर जेलेन्स्कीले रुसको आक्रमणको निन्दा गरेका छन्। उनले भने, ‘रुसले फेरि एक पटक युद्ध अन्त्य गर्न चाहँदैन भन्ने देखाएको छ ।’
