काठमाडौँ, ६ जेठ । इजरायली सेनाले प्यालेस्टिनीहरूलाई खान युनिस शहर खाली गर्न आदेश दिएको छ ।
इजरायली सेनाले खान युनिससहित बानी सुहेला र अबासनमा बसोबास गर्ने प्यालेस्टिनीहरूलाई तुरुन्तै ती ठाउँ छोड्न भनेको बीबीसीले जनाएको छ ।
इजरायली रक्षा बल (आईडीएफ) का प्रवक्ता अवीचाई आड्राईले यी क्षेत्रमा आतङ्कवादी सङ्गठनहरूको शक्तिलाई नष्ट गर्न अभूतपूर्व आक्रमण शुरू गर्ने सामाजिक सञ्जाल एक्समार्फत बताएका छन् । आईडीएफका प्रवक्ताका अनुसार खान युनिस शहर अब खतरनाक युद्ध क्षेत्र मानिनेछ ।
यसअघि इजरायली सेनाले गाजामा ‘ठूलो स्थल कारबाही’ शुरू गरेको बताएको थियो । साथै इजरायलले १० हप्ताको नाकाबन्दीपछि भोकमरीको सङ्कट नहोस् भन्दै गाजामा आवश्यक मात्रामा खाना पठाउन अनुमति दिने बताएको थियो ।
