सोलापुर, ५ जेठ । महाराष्ट्रको सोलापुरमा रहेको एक कारखानामा आगलागी हुँदा एकै परिवारका चार सदस्यसहित कम्तीमा आठ जनाको मृत्यु भएको छ ।
समाचार एजेन्सी पीटीआईका अनुसार यस दुर्घटनामा मृत्यु हुनेमा तीन महिला र एक बच्चा रहेका छन् । प्रारम्भिक रूपमा, यो दुर्घटनाको कारण सर्ट सर्किट भएको बताइएको छ। यो दुर्घटना सोलापुरको सेन्ट्रल टेक्सटाइल मिलमा भएको हो।
दुर्घटनामा मृत्यु हुनेहरूमा कारखाना मालिक हाजी उस्मान हसनभाई मन्सुरी र उनको परिवारका तीन सदस्यहरू छन्, जसमा उनका डेढ वर्षको नाति पनि समावेश छ । दुर्घटनामा चार जना मजदुरको पनि मृत्यु भयो ।
प्रधानमन्त्री कार्यालयले सामाजिक सञ्जालमा एक पोस्ट गर्दै यस दुर्घटनाप्रति दुःख व्यक्त गरेको छ । कार्यालयले लेखेको छ, ‘महाराष्ट्रको सोलापुरमा भएको आगलागी दुर्घटनामा परी मानिसहरूको मृत्यु भएकोमा हामी दुःखी छौँ।’
