काठमाडौँ, २५ बैशाख । नेपाली राष्ट्रिय महिला फुटबल टिमको मुख्य प्रशिक्षकमा राजेन्द्र तामाङ नियुक्त भएका छन् ।
आज अखिल नेपाल फुटबल संघ (एन्फा)ले तामाङलाई पुनः महिला टिमको मुख्य प्रशिक्षकमा नियुक्त गरेको हो । एन्फा मुख्यालयमा महासचिव किरण राईले तामाङलाई नियुक्तिपत्र हस्तान्तरण गरे ।
प्रशिक्षक तामाङ थाइल्यान्डसँग हुने मैत्रीपूर्ण खेल र एएफसी महिला एसियन कप छनोटनिम्ति नियुक्त भएका हुन् । उनी यसअघि नेपालमा आयोजित चारदेशीय अन्तर्राष्ट्रिय च्याम्पियनसिपमा पनि टिमका प्र्रशिक्षक थिए ।
उनीसँगै टिमको गोलकिपर प्रशिक्षकमा सुरजकुमार लामा, व्यवस्थापकमा बिन्द्रा देवान र फिजियोथेरापिस्टमा लक्ष्मी भक्तराईलाई नियुक्त गरिएको छ ।
