काठमाडौँ, २५ चैत । चलचित्र ‘कर्मा’को शीर्ष गीत सार्वजनिक भएको छ ।
‘कर्मा’ बोलको शीर्ष गीतमा दुर्गेश थापाको स्वर छ । शब्द तथा संगीत पनि दुर्गेश स्वयंको छ । व्यक्ति असलका लागि असल र खराबका लागि खराब रहेको सन्देश दिएको छ । गीतले भनेको छ, जस्तो मान्छे त्यस्तै व्यवाहार हुने सत्यलाई उठान गरेको छ ।
गीतको भिडियोमा चलचित्रका मुख्य विपीन कार्की, मुकुन भुसाल, उपासना सिंह ठकुरीलगायत रहेका छन् । दुर्गेश स्वयंले पनि भिडियोमा फिचर्ड भएका छन् ।
सौरभ चौधरीले निर्देशन गरेको ‘कर्मा’मा विपीन कार्की, उपासना सिंह ठकुरी, मुकुन भुसाल, सरिता गिरी, दिब्यदेब, बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको अभिनय रहेको छ ।
