पोर्ट मोर्सबी, १३ चैत । पपुआ न्यू गिनीले विश्वको सबैभन्दा ठुलो सामाजिक सञ्जाल फेसबुकमाथि प्रतिबन्ध लगाएको छ ।
गलत सूचना प्रवाह र पोर्नोग्राफीलाई रोक्न यो कदम चालेको अधिकारीहरूले भनेका छन् । सोमबार यो प्रतिबन्ध लगाइएको हो ।
सामाजिक सञ्जालमाथि अचानक यसरी बन्देज लगाएपछि विपक्षी दलका सांसदहरू र राजनीतिक आलोचकहरूले सरकारको आलोचना गरिरहेका छन् ।
उनीहरूले सरकारको यस कदमलाई मानव अधिकार हनन भनेका छन् । यस कदमको बचाउ गर्दै प्रहरी मन्त्री पिटर सियामालिली जुनियरले चाँहि सरकारले वाक स्वतन्त्रता दबाउने प्रयास नगरेको भनेका छन् ।
