काठमाडौँ, ८ चैत । नेपाली राष्ट्रिय महिला टिमकी सावित्रा भण्डारी प्रधानमन्त्री राष्ट्रिय प्रतिभा पुरस्कारबाट पुरस्कृत भएकी छन् ।
आज प्रधानमन्त्री तथा मन्त्रिपरिषद्को कार्यालयले आयोजना गरेको राष्ट्रिय प्रतिभा पुरस्कार वितरण समारोहमा पुरस्कार वितरण गरिएको हो ।
समारोहमा प्रधानमन्त्री केपी शर्मा ओलीले फान्सेली लिगमा व्यस्त भएका कारण साम्बाकी अभिभावकलाई सम्मान पत्र हस्तान्तरण गरेका थिए । खेल क्षेत्रमा पुर्याएको योगदानको कदर गर्दै भण्डारीलाई पुरस्कार प्रदान गरिएको हो ।
नेपाली फुटबल जगतमा एउटै खेलमा दोहोरो ह्याट्रिक प्रहार गर्न सफल खेलाडी सावित्रा सशस्त्र बलको एपीएफ क्लबकी मुख्य खेलाडी हुन् ।
