एजेन्सी, ६ फागुन । च्याम्पियन्स ट्रफीको एक दिनअघि पाकिस्तानमा ठूलो आतंकवादी हमला भएको छ ।
अज्ञात बन्दुकधारीहरूले अर्धसैनिक बललाई निशाना बनाएका हुन् । यस आक्रमणमा चार सैनिकको ज्यान गएको छ भने अन्य पाँच जना घाइते भएका छन् ।
आतंकवादीहरूले पाकिस्तानको हिंसा प्रभावित जिल्ला कुर्रममा यो हमला गरेका हुन्। गत वर्ष कुर्रममा शिया र सुन्नी समुदायबीच हिंसा भड्किएको थियो । अफगानिस्तानको सीमा नजिक रहेको यस जिल्लामा हिंसाको लामो इतिहास छ।
आतंककारीहरूले सोमबार राति तल्लो कुर्रमको ओचिट क्षेत्रमा अर्धसैनिक बल कुर्रम मिलिसिया टोलीलाई आक्रमण गरेका सुरक्षा अधिकारीहरूले बताएका छन्। अघिल्लो दिन अत्यावश्यक वस्तु बोकेको काफिलामा पनि आक्रमण भएको थियो ।
