काठमाडौँ, १ फागुन । चलचित्र ‘कर्मा’को पोस्टर सार्वजनिक भएको छ ।
निर्माणपक्षले चलचित्रका मुख्य कलाकार विपीन कार्कीलाई फिचर्ड गर्दै दुईवटा पोस्टर सार्वजनिक गरेको हो ।
पोस्टरमा विपीन कार्की हातमा ‘सर्ट गन’ बोकेर ‘ब्ल्याक जिन्स’मा देखिएका छन् । पोस्टरले विपीन एक्सन भूमिकामा रहेको प्रष्ट पारेको छ ।
पोस्टरमा ‘ह्वाट गोज अराउन्ड, कम्स अराउन्ड’ स्लोगन रहेको छ । ‘कर्मा’लाई ‘अगस्त्य : च्याप्टर–१’ निर्देशक सौरभ चौधरीले निर्देशन गरेका छन् ।
चैत २९ गते रिलिज हुने ‘कर्मा’मा विपीनसँगै उपासना सिंह ठकुरी, मुकुन भुसाल, दिव्यदेवलगायत कलाकारको अभिनय छ । मुकुन यो चलचित्रमा खलपात्र बनेका छन् ।
