काठमाडौँ, ३० माघ । अगामी चैत्र ८ गतेदेखि प्रदर्शनमा आउने फिल्म ‘११:५५’ (डु नट ट्रस्ट एनिवान) को क्यारेक्टर पोस्टर सार्वजनिक गरिएको छ ।
आज फिल्मका ५ मुख्य कलाकार सृष्टि श्रेष्ठ, महेश त्रिपाठी, करिष्मा श्रेष्ठ, एमएस अग्रज र सागर खनालको क्यारेक्टर लुक्स सार्वजनिक गरिएको हो ।
क्यारेक्टर लुक्सले फिल्ममा उनीहरुले निर्वाह गरेको भूमिका झल्काएको निर्माण युनिटले जनाएको छ । क्राइम थ्रिलर जनरामा निर्माण भएको फिल्मको लेखन तथा निर्देशन केशव पाण्डेले गरेका हुन् । उनको यो निर्देशनमा डेव्यु फिल्म हो । फिल्ममा निर्देशक पाण्डेसँगै एमएस अग्रज र शेखर ज्ञवालीको लेखन छ ।
