बेइजिङ, २८ माघ । चीनमा बिहे गर्नेको संख्या घटेर कीर्तिमानी स्तरमा पुगेको छ ।
चीनको नागरिक मामिला मन्त्रालयले सार्वजनिक गरेको डेटाका अनुसार सरकारले युवायुवतीहरूलाई बिहे गरेर घर बसाउन अनि सन्तान जन्माउन प्रेरित गर्न अनेकौं उपायहरू अपनाइरहेको भएपनि न बिहे दर बढिरहेको छ न त जन्मदर नै । फलतः चीनको जनसंख्या घट्दो क्रममा छ ।
२०२४ मा चीनभरमा ६१ लाख जोडीले आफ्नो बिहे दर्ता गरेका छन् । यो अघिल्लो वर्षको तुलनामा २० दशमलव ५ प्रतिशत कम भएको शनिबार सार्वजनिक गरेको डेटाले देखाएको हो ।
यो भनेको सन् १९८६ मा मन्त्रालयले यस्तो खालको तथ्यांक सार्वजनिक गर्न थालेयताकै सबैभन्दा कम हो ।
