नयाँ दिल्ली २३ माघ । भारत सरकारले सरकारी कर्मचारीहरूलाई एआई एप्स र एआई प्लेटफर्महरूबारे आवश्यक जानकारी दिइएको छ ।
केही कर्मचारीहरूले कार्यालयको कम्प्युटर र ल्यापटपमा एआई एपहरू (जस्तै च्याटजीपीटी, डीपसिक आदि) प्रयोग गर्ने गरेको अनि यो भारत सरकारको गोप्य कागजात र डेटाको लागि खतरनाक साबित हुनसक्ने अर्थ मन्त्रालयले जारी गरेको आदेशमा सरकारी कर्मचारीहरूलाई भनिएको छ ।
सरकारी कम्प्युटर, ल्यापटप र उपकरणहरूमा एआई एप र उपकरणहरू प्रयोग गर्नु हुँदैन भनेर केन्द्र सरकारको परिपत्रमा भनिएको छ । डेटा र गोपनीयतालाई प्राथमिकता दिँदै यो निर्णय लिइएको पनि पत्रमा उल्लेख छ । एआई प्रयोगकर्ताहरूको मनोबल गिराउन यो कदम नचालिएको पनि स्पष्ट पारिएको छ ।
