काठमाडौँ, २१ मंसिर । माछापुच्छ्रे बैँकका सञ्चालक हरिभक्त सिग्देलको राजीनामा स्वीकृत भएको छ ।
रामजानकी इन्भेष्टमेन्ट एण्ड पेट्रोलियम सप्लायर्स प्रा.लि.बाट प्रतिनिधित्व गरेका सञ्चालक सिग्देलले मंसिर १४ गते सञ्चालक समितिसमक्ष दिएको राजीनामा बिहीबार बसेको सञ्चालक समितिको बैठकले स्वीकृत गरेको हो ।
त्यस्तै, सोही बैठकले दुई सञ्चालकको नियुक्ति समेत गरेको छ । त्यसमध्ये रामजानकी इन्भेष्टमेन्टको तर्फबाट नुवाकोट शिवपुरीका मुकुन्द महत र संस्थापक शेयरधनीको तर्फबाट नियुक्त महोत्तरीको मटिहानीका अनिश साहलाई नियुक्त गरिएको बैंकले जनाएको छ ।
