एजेन्सी, १६ मंसिर । हिजबुल्लाह नेता नइम कासिमले इजरायलसँगको युद्धमा आफूहरू विजयी भएको घोषणा गरेका छन् । आफ्नो समूहले हिजबुल्लाहलाई हटाउने र प्रतिरोधलाई कमजोर पार्ने इजरायलको प्रयासलाई विफल पारेको दाबी गरे ।
इजरायलसँगको युद्धविराम गत बुधबार बिहानैदेखि लागु भएपछि कासिमले आफ्नो पहिलो टेलिभिजन भाषणमा उक्त टिप्पणी गरेका हुन् । कासिमले यो नतिजालाई इजरायली शत्रुमाथिको प्रतिरोधका लागि ठूलो विजय भएको रूपमा लिएको बताए ।
सम्झौताको कार्यान्वयन सुनिश्चित गर्न हिजबुल्लाह र लेबनानी सेनाबीचको समन्वयलाई पनि जोड दिए । सिन्ह्वा
