म्याड्रिड, २ मंसिर । स्पेनको दक्षिणी भागमा प्रहरीले १.२ टन चरेससहित सात जना बेलायतीहरूलाई पक्राउ गरेको छ ।
‘बेलायतको नेसनल क्राइम एजेन्सीसँग काम गर्ने राष्ट्रिय प्रहरीले मार्बेला र एल्चेमा सामान बोक्ने गाडीमा लागूऔषध ओसारपसार गरेको आशंकामा चेक गर्दा उक्त चरेस फेला परेको हो,’ स्पेन सरकारको गृह मन्त्रालयले भनेको छ।
‘अधिकारीहरूले एक हजार २०० किलोग्राम चरेस बरामद गरेका छन् र यस घटनामा संलग्न रहेको आरोपमा सात जना बेलायती नागरिकलाई हिरासतमा लिइएको छ,’ विज्ञप्तिमा भनिएको छ ।
बेलायती प्रवासीहरूको ठूलो जनसङ्ख्या रहेको मार्बेलास्थित फुएनगिरोलाको पर्यटक रिसोर्ट र दक्षिणपूर्वी शहर एल्चेमा उक्त चरेस पक्राउ परेको हो ।
चरेसको केही मात्रा बालुवाले भरिएको प्लास्टिकका ठूला कन्टेनरमा लुकाइएको अवस्थामा भेटिएको मन्त्रालयले जनाएको छ । प्रहरीले उक्त क्षेत्रबाट ६३ हजार युरोभन्दा बढी नगद, पाँच जना यात्रुवाहक र एउटा ठूलो लरी समेत बरामद गरेको छ ।
