पाकिस्तान, २८ कार्तिक । पहाडी गिलगिट-बाल्टिस्तान क्षेत्रमा जन्ती बोकेको बस दुर्घटना हुँदा १६ जनाको मृत्यु भएको छ ।
विवाहका लागि जाँदै गरेको बस सिन्धु नदीमा खस्दा २३ जना नदीमा डुबेका छन् । स्थानीय प्रहरीका अनुसार अहिलेसम्म १६ जनाको शव फेला परेको छ । दुर्घटनामा परी घाइतेमध्ये एक महिलाको अवस्था गम्भीर रहेको छ ।
दुर्घटनामा परी दुलाहा पनि घाइते भएका छन् । वरिष्ठ प्रहरी अधिकृत अधिक्षक शेर खानका अनुसार बस अस्टोरबाट पञ्जाबको चकवाल जानेक्रममा तेलजी पुल नजिकै नदीमा खसेको थियो ।
घटनाका विषयमा पाकिस्तानका राष्ट्रपति आसिफ अलि जरदारीले दुख व्यक्त गर्दै परिवारप्रति समवेदना व्यक्त गरेका छन् ।
