काठमाडौँ, १७ कार्तिक । बिराज भट्टले आगामी दसैँ/तिहारसम्म नयाँ चलचित्र रिलिज गर्ने भएका छन् ।
‘१२ गाउँ’को सिक्वेल निर्माण गर्ने उनले बताएका हुन् । दर्शकसँग खुसी सेलिब्रेसन गर्न हल पुगेका बिराजले सञ्चारकर्मीसँग बिराज भट्ट प्रोडक्सनबाट आउँदो दसैँ/तिहारसम्म नयाँ चलचित्र रिलिज हुने बताएका हुन् ।
उनले भने, “अब पहिलाजस्तो ढिलो हुँदैन । हामी चाँडै सिनेमा लिएर आउँछौँ । अहिले पनि हामीले केही काम त सुरु गरिसकेका छौँ,” “बलिदानको काम सीमरले सकेपछि हाम्रो चलचित्रको काम थप अगाडि बढाउने छौँ ।”
समीर भट्ट अहिले ‘बलिदान’को छायांकनमा छन् । समीर सन्तोष सेनले निर्देशन गरिरहेको चलचित्रको छायांकनमा छन् । समीर ‘बलिदान’को हिरो हुन् । ‘१२ गाउँ’बाट समीर भट्टसँगै दुई अभिनेत्री पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले पनि डेव्यु गरेका छन् ।
सिनेमामा विराज, समीर, न्यान्सी र सनिशासँगै मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुन जंग शाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भाको अभिनय रहेको छ ।
