शास्त्रले उल्लेख गरेनन्,
की भक्ति आफैंमा पनि
डर र कर दुइटै लुकेको हुन्छ।
भगवान प्रति को डर
र भोग र भाग लगाउने कर।
सरासर हेर्दा
यी आधुनिक कर प्रणाली भन्दा फरक छैन।
भात पकाउ
अनि थोरै चढाऊ,
केही मिठो खानु भन्दा पहिले
थोरै भगवानलाई भाग लगाऊ,
भात चढाएर खाने बेलामा
अप्सानी हाल
अनि खाउ।
ब्राह्मण वर्गले सर्वाधिक कर तिर्ने गरेको देखिन्छ
त्यसैले शास्त्रले ब्राह्मणलाई
विशेष ठाउँ दियो।
कृष्णले इन्द्रलाई कर नतिर्नू भनेर
क्रान्ति गरे
इन्द्रले देखि झार्न सकेनन
गोवर्धन पर्वतले गर्दा,
नयाँ कर प्रणाली देखियो।
त्यसैले सबै भक्तजनलाई
कर तिरि विकास गर्न
यस विश्लेषक अनुरोध गर्दछ ।
अर्जुन दाहाल, झापा
