काठमाडौँ, १५ असोज । चलचित्र ‘१२ गाउँ’को ट्रेलर सार्वजनिक भएको छ ।
असोज २४ गते रिलिज हुने चलचित्रको आज ट्रेलर सार्वजनिक भएको हो । ट्रेलर एक्सनपूर्ण सिनले भरिएको छ । विराज भट्ट र समीर भट्टको एक्सन ट्रेलरमा देखाइएको छ ।
‘१२ गाउँ’ विराज भट्टले निर्देशन गरेको चलचित्र हो । समीरसँगै दुई अभिनेत्री पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले यो चलचित्रबाट डेव्यु गरेका छन् ।
विराज, समीर, न्यान्सी र सनिशासँगै मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुन जंग शाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भाले चलचित्रमा अभिनय रहनेछ ।
