काठमाडौँ, २४ भदौ । गायिका आनी छोइङ डोल्मा मेची-महाकाली उद्धार अभियान लिएर देश दौडाहामा निस्कँदैछिन् ।
असोज १५ गतेदेखि प्रधानमन्त्री निवास बालुवाटारबाट आनीको अभियान सुरु हुँदैछ । यो अभियान ४० दिनसम्म पूर्वदेखि पश्चिमसम्म चल्नेछ ।
प्रधानमन्त्री केपी ओलीले उद्घाटन गरेसँगै सुरु हुने यो अभियानमा आनी सहित उनको टोली देशका विभिन्न भागमा पुग्नेछ ।
सामाजिक संस्था मानव सेवा आश्रमसँग मिलेर आनीले अभियान चलाउन लागेकी हुन् । अभियान अन्तर्गत अशक्त, अपांग, विपन्न, असहायलाई उद्धार गरी औषधोपचार गर्ने, जीविकोपार्जनमा सघाउने, मानिस भन्दा नभएर जनावरलाई पनि उद्धार गरेर औषधोपचार र स्याहार गर्ने उद्देश्य छ ।
