काठमाडौँ, ९ भदौ । अभिनेता सौगात मल्लको मुख्य भूमिका रहेको फिल्म ‘बम बहादुर’ आगामी कार्तिक ३० गते प्रदर्शनमा आउने भएको छ ।
निर्माण टोलीले आइतबार एक पोस्टर रिलिज गर्दै प्रदर्शन मिति जानकारी दिएको हो । पोस्टरको पृष्ठभूमिमा अभिनेता मल्ललाई लडाकुको पोसाकमा देखाइएको छ ।
जोन राईको निर्देशन रहेको फिल्ममा सस्पेन्स, थ्रिलर, रोमान्स र सोसल ड्रामाको सम्मिश्रण रहेको छ । फिल्मको मुख्य भूमिकामा प्रशान्त राई, अनिशा रसाइली, भास्कर प्रधान, महेन्द्र बग्दास, मदन भुजेल, भरत वशिष्ठ, रिया भुजेल, शान्तिला तामाङ, बालकलाकार वाशित कार्की, सुरेश पाँचकोटी लगायतको अभिनय छ ।
